logo
Государственное автономное учреждение культуры РТ
Нижнекамский государственный татарский драматический театр
имени Туфана Миннуллина
+7 (8555) 47-73-69
Нижнекамск, ул. Кайманова, 9

Пресса

Иҗат утында янып-көеп. 2010 ел.

Татарстанның атказанган сәнгать эшлеклесе, Түбән Кама татар дәүләт драма театрына нигез салучыларның берсе, аның алыштыргысыз җитәкчесе, баш режиссеры Рөстәм Галиевкә - 50 яшь!

Заманасы үзе үк тилеме әллә? 2010 ел.

Түбән Кама татар дәүләт драма театры премьерасын карагач туган фикерләр. "СыСыСыРда ясалган...нар”ны карап кайттым да, үз-үземә шаккатып утырам әле. Зал тулы халык кемнән, нәрсәдән көлдек соң? Үзебездән түгелме?

Интервью. 2010 год.

Передача НТР

Рөстәм Галиев: Җилкәннәрне күтәрәсе иде... 2010 ел.

Рөстәм Вәлиәхмәт улы Норлат районы Киекле авылында туа, 10 балалы гаиләдә үсә. 1978 елда Минзәлә театрында сәхнә эшчесе булып эшли башлый. Казан театр училищесын тәмамлый. Әлмәт Татар дәүләт драма театрына актер булып урнаша. Түбән Кама Татар дәүләт драма театрын оештыра һәм хәзергә кадәр җитәкли. Татарстанның атказанган сәнгать эшлеклесе, Дамир Сираҗиев исемендәге премия лауреаты.

Яшәргә һәм иҗат итәргә. 2010 ел.

Театр ничек туа? Әйтик, быел 20нче иҗат сезонын ачкан Түбән Кама татар дәүләт драма театры ни рәвешле яралды соң? Мин менә шушы четерекле сорауга җавап табарга телим.

Кеше кансызракмы, бүреме? 2010 ел.

Гәҗәп тә соң безнең кавем: берәр төрле уңышсызлыкка тарыдымы, сәбәбен, һичшиксез, икенче берәүдән күрә. Шуннан башлана инде: тегене каһәрләү, начарлыгын "фаш итү”, гавам алдында аннан каһкаһәле көлү. Эшләр хәтта бичараның гомеренә кизәнүгә дә барып җитәргә мөмкин. Аннан менә мондыйрак уй килә инде: без, үзләрен иң акыллы, иң камил дип йөрткән җан ияләре, кайвакыт иң ерткыч дип исәпләнгән җанварлардан да үздырабыз икән. Әллә соң эчебездә бүре яшиме? Әмма сәхнәдә бүре образын тудырган Фарил Вафиев хаклы: ул хайван кешеләрдән мең кат өстенрәк. Бүре беркайчан да кавемдәшләренә ташланмый, егылганны таламый, ата-анасын, ыру башлыгын хөрмәт итә.

Иҗат кешесе бомжның да җанын аңларга тиеш. 2010 ел.

Халык күңелен яулау өчен бер роль дә җитә, күрәсең. Шулай булмаса, 1990 елда ук М.Хәсәновның "Язгы аҗаган”ында Гази образын гәүдәләндергән Рөстәм Галиевне тамашачы әнә шул роле белән хәтерендә сакламас иде.

Бүреләр табигать кануннарына буйсына… 2010 ел.

Узган сезонда Түбән Кама татар дәүләт драма театры тамашачы хөкеменә яңа премьера – "Бүре каны” драмасын тәкъдим итте. Бүре каны ... Исеме үк күңелгә шом сала... Шуңа күрәме, күпләр премьераны сәерсенеп каршы алды. Әмма тиздән тамашачы спектакльгә агылып йөри башлады. Бер сезонда гына премьераның 38 тапкыр тулы залларда уйналуы үзе дә күп нәрсә турында сөйли. Мондый уңышның сере нәрсәдә соң? Иң әүвәл шушы елның июнь аенда Казанда булып узган төрки халыкларның "Нәүрүз” халыкара театр фестивалендә театр тәнкыйтьчесе Наталия Говорованың Түбән Кама муниципаль районы башлыгы Айдар Метшинга язган Рәхмәт хатындагы сүзләр хәтергә килә: "Спектакль кешеләр турында һәм кешеләр өчен. Ул һәркемгә аңлашыла. Спектакль зур әхлак көченә ия. Мине труппаның сәхнә культурасы таң калдырды. Мин Рөстәм Галиевның искиткеч тыйнак, үз эшенең чын остасы булуына, кешелеклелек сыйфатларына сокландым. Сезне бу дәрәҗәле фестивальдә ирешкән уңышыгыз белән чын күңелдән котлыйм. Шәһәрегездә мондый театр булуы белән горурлана аласыз. Сездәге кебек театрлар Россиядә күп түгел...”

Алда әле озын юл. 2010 ел.

Түбән Кама татар дәүләт драма театры чын мәгънәсендә завод эчендә туа, ягъни "Нефтехим” берләшмәсендә студия буларак оеша. Соңыннан үсеш баскычлары: Татар яшьләре театры, Түбән Кама татар драма театры, Түбән Кама татар дәүләт драма театры... Хәер, төптәнрәк уйлап карасаң, исем алышынудамыни хикмәт? Режиссер Рөстәм Галиев янып-көеп иҗат төркеме тупларга керешә. Ничек сөенмисең, аның янына Казан театр училищесында бергә укыган сабакташлары җыела башлый. Алар олы таяныч була. Беренчеләрдән булып Гөлгенә Зәйнуллина, Олег Фазылҗанов, Илдар Закиров, Рәзил Сибгатуллин, Гөлнур Галиева һәм башкалар килә. Шуларның дүртесе: Гөлгенә Зәйнуллина, Гөлназ Фәхразиева, Рәис Галиев, Фарил Вафиев бүген дә театрда. Болар әллә кайдан үзләренә тартып торалар. Көчле шәхесләр. Гомерләрен театр сәнгатенә багышлаган фидакарь җаннар.